نہ پُوچھ میرا حسینؑ کیا ہے؟
حسین اہلِ وفا کی پستی
حسین آئینِ حق پرستی
حسین صدق و صفا کا ساقی
حسین چشمِ اَنا کی مستی،
حسین پیش از عدم، تصور
حسین بعد از قیامِ ہستی،
حسین نے زندگی بکہیری
فضا سے ورنہ قضابرستی،
عروجِ ھفت آسمانِ عظمت
حسین کے نقشِ پا کی مستی،
حسین کو خُلد میں نہ ڈھونڈو
حیسن مہنگا ہے خلد سستی،
حسین مقسومِ دین و ایماں
حسین مفہوم "ھَلاَتٰی"ہے
نہ پُوچھ میرا
حسین کیا ہے؟
حسین نِکھرا ھوا قلندر
حسین بھپرا ھوا سمندر
حسین بستے دلوں سے آگے
حسین اُجڑے دلوں کے اندر،
حسین سلطانِ دین و ایماں
حیسن افکار کا سکندر
حسین سے آدمی کا رُتبہ!
حسین ہے آدمی کا "مَن دَر"
خدا کی بخشش ہیخیمہ زَن ہے
حسین کی سلطنت کے اندر
حسین داتا، حسین راھبر
حسین بھگوان، حسین سُندر
حسین آکاش کا رشی ہے
حسین دھرتی
کی آتما ہے
نہ پُوچھ میرا
حسین کیا ہے؟
حسین ، میدان کا سپاہی،
حسین دشتِ اَنا کا راہی،
حسین فرقِ اَجل کا بَل ہے
حسین انداز، کجکلاہی!
حسین کی گردَ پا، زمانہ!
حسین کی ٹھوکروں میں شاہی
حسین معراجِ فقرِ عالم
حسین ، رمزِ جہاں پناہی
حسین ایقان کا مُنارہ
حسین اوہام کی تباہی
ضمیر انصاف کی لغت میں
حسین معیارِ بےگناہی
حسین بنامِ جبر و غرورِشاہی
حسین غیرت
کا فیصلہ ہے
نہ پُوچھ میرا
حسین کیا ہے؟
حسین فقرو اَنا کا غازی
حسین جنگاہ میں نمازی
حسین حسنِ نیاز مندی
حسین اعجازِ بے نیازی
حسین آغازِ جاں نثاری
حسین انجامِ جاں گدازی
حسین توقیر کار بندی
حسین تعبیر کار سازی
حسین معجز نمائے دوراں
حسین حق کی فسوں طرازی
حسین ہارا تو یوں کہ جیسے
حسین نے جیت لی ھو بازی
حسین سارے جہاں کا وارث
حسین کہنےکو
بے نوا ہے
نہ پُوچھ میرا
حسین کیا ہے؟
حسین اک دلنشیں کہانی
حسین دستورِ حق کا بانی
حسین عباس کا سراپا،
حسین اکبر کی نوجوانی
حسین کردارِ اہلِ ایماں
حسین معیارِ زندگانی
حسین قاسم کی کم نمائی
حسین اصغر کی بے زبانی
حسین سجاد کی خموشی
حسین باقر کی مرثیہ خوانی
حسین دجلہ کا خشک ساحل
حسین صحرا کی بیکرانی
حسین زینب کی زیب و زینت
حسین کلثوم سلام اللہ علیہا
کی ردا ہے،
نہ پُوچھ میرا
حسین کیا ہے؟
0 تبصرے