Ghazal : Asangani Mushtaq Rafeeqi

غزل

اسانغنی مشتاق رفیقیؔ

نظر نہ پھیروں نہ نفرت سے پیش آؤں گا

ہمیشہ تجھ سے محبت سے پیش آؤں گا

مجھے پتہ ہے تو مکار ہے منافق ہے

میں تیرے ساتھ صداقت سے پیش آؤں گا

رقیب ہے وہ مگر اس کو تجھ سے نسبت ہے

میں اس سے کیسے عداوت سے پیش آؤں گا

مرے بڑوں نے مجھے دی ہے تربیت ایسی

میں ہر کسی سے شرافت سے پیش آؤں گا

دلیل سے مجھے بتلا کہ میں غلط ہوں کہاں؟

میں تجھ سے پوری ندامت سے پیش آؤں گا

مرے مزاج میں شامل ہے عاجزی لیکن

تُو شر کرے تو شرارت سے پیش آؤں گا

رفیقیؔ بغض رکھےمجھ سے، کوئی کتنا ہی

میں اُس سے، پھر بھی مروت سے پیش آؤں گا

Ghazal

Asangani Mushtaq Rafeeqi

Nazar nah phayroun na nafrat se pesh aoun ga

Hamesha tujh se mohabbat se pesh aoun ga

Mujhe pata hai to makkar hai munafiq hai

Main teray sath sadaqat se pesh aoun ga

Raqeeb hai woh magar uss ko tujh se nisbat hai

Main uss se kaisay adawat se pesh aoun ga

Mayrey barroun ne mujhe di hai tarbiyat aisi

Main har kisi se sharafat se pesh aoun ga

Daleel se mujhe batla ke main ghalat houn kahan ?

Main tujh se poori nedamat se pesh aoun ga

Merey mizaaj mein shaamil hai aajzi laikin

Tu shar kare to shararat se pesh aoun ga

Rafeeqi bughz rakhay mujh se, koi kitna hi

Main uss se, phir bhi murawwat se pesh aoun ga

۔۔۔۔۔۔۔۔۔۔۔۔