حرفِ شکست

اندر کا صاف ذہن بھی ویران ہو گیا

میں خود ہی اپنے خون کا عنوان ہو گیا

آواز کوئی دیتا ہے اندر سے رات بھر

برباد میری ذات کا ایوان ہوگیا

بستر پہ لیٹے لیٹے سسکتی رہی حیات

فرقت زدہ یہ خاک کا مہمان ہو گیا

ہم نے تو عمر کاٹی ہے کانٹوں کی سیج پر

دل کو نئی حیات کا ارمان ہوگیا

اب تو گریز کرتی ہے مجھ سے ہر اک خوشی

لگتا ہے جیسے شہر یہ زندان ہوگیا

پہچانتا نہیں ہے، کوئی میرِ کارواں

رستہ تو کیا یہ شہر بھی انجان ہوگیا

دم توڑتی امید کو کس طرح اب جئے ؟

انجم! تَو اپنی ذات سے انجان ہوگیا

ایم ایس انجم دربھنگوی

استاذ مدرسہ فلاح دارین چنچوٹی پالگھر