فضلِ خدا ہو مجھ پہ مدینہ دکھائی دے : نعت رسولِ مقبول

نعت رسولِ مقبول ﷺ

فضلِ خدا ہو مجھ پہ مدینہ دکھائی دے

ہوں بحرِ غم میں مجھ کو سفینہ دکھائی دے

دل ، دل نظرنہ آئے نگینہ دکھائی دے

یارب ٗنگینہ دل ٗ میں مدینہ دکھائی دے

ممکن نہیں کہ لَوٹ کے آ جائے خالی ہاتھ

رحمت کا جب کسی کو خزینہ دکھائی دے

دَم ہم کبھی نہ توڑیں مسائل کی بھیڑ میں

سنسار میں جو اُن کا قرینہ دکھائی دے ﷺ

کچھ سوجھتا نہیں ہے مدینے کی یاد میں

وہ دن خدا دکھائے مدینہ دکھائی دے

بحرِ غمِ گُنہ میں نبی کا ہے یوں خیال ﷺ

جیسے کہ ڈوبتے کو سفینہ دکھائی دے

نادؔر ! ہیں جب حضور شفاعت کے واسطے ﷺ

پھر عاصیوں کو کیوں نہ مدینہ دکھائی دے

نادر اسلوبی۔ انڈیا