نعت پاک بَحضور سرورِ کائنات ﷺ : زندگی کی کُلفتوں پر کیف طاری کر گئی

طرح مصرع

”نوکِ مژگاں دیکھیے کیا حُسن کاری کر گئی“

نعت پاک

زندگی کی کُلفتوں پر کیف طاری کر گئی

الفتِ سرکارﷺدل کی آبیاری کرگئی

نفسا نفسی کے فسُوں کو چاک کر کے رکھ دیا

آمدِ مختارﷺیوں بادِ بہاری کر گئی

ظلمتِ دیجور تھی چاروں طرف چھائی ہوئی

کام اِک حبشی کی آخر اِنکساری کر گئی

معجزات مصطفیٰﷺ پہ میراتَن ، من ، دھن، فِدا

آپﷺکی سیرت جہاں میں میناکاری کر گئی

آل ہیں اولاد ہیں ہم سید الابرارﷺکی

ہم یہ احسان یارو ذاتِ باری کر گئی

دفترِ اعمال ما اَز حد سیاہ و سوختہ

اس میں کچھ تخفیف میری اشک باری کر گئی

کربلا کی سرزمیں پر اے حسین ابن علی

نوکِ نیزہ کی تلاوت لرزہ طاری کر گئی

یہ میرے سرکارِ دو عالمﷺ کا ہی فیضان ہے

”نوکِ مژگاں دیکھیے کیا حُسن کاری کر گئی“

مطمئن ہوں میں سخن کی دولتِ رضوان سے

نسبتِ زہرا یہ رشتہ اِستواری کر گئی

کلام اَز

حاجی سید رضوان حیدر رضواں حال مقیم راولپنڈی

اور پڑھیں

•نعتِ رسولِ مقبول : لرزاں تھے اندھیرے سب اک آپ کے آنے سے

•جمعہء عشق پڑھوں سورہء یٰسین کے ساتھ : نعت رسول

•فضلِ خدا ہو مجھ پہ مدینہ دکھائی دے : نعت رسولِ مقبول

•نبی سے عشق ہے تو نعت بھی لکھنا ضروری ہے : نعت شریف

•نعت شریف - دینِ حق ہے روش میرے سرکار کی

•کربلا کی نعت شریف - Karbala Ki Naat Sharif

•نعت شریف : وہ نبی جس کی ہر بات ہے اک دعا

•نعت شریف : خدا کا اذن نبی کی خوشی سے ملتاہے

•میرے پیارے نبی کی نعت شریف اردو میں

•نعت شریف اردو میں لکھی ہوئی Naat Sharif Urdu

•عید قرباں نعت شریف - عید الاضحی پر شاعری